BLETHONA aliis BLEDONA vel BLODUNA

BLETHONA, aliis BLEDONA vel BLODUNA

vulgo Bleme, fluv. Galliae, qui Diniam Bodiontiorum vel Sentiorum alluit, ac in Druentiam labitur; postquam haud procul a civitate Mardaricum fluviolum, qui convallem, ubi Burgus pars civitatis Diniae, praeterlabitur, recepit. Ab hoc fluvio, apud Plinium l. 3. c. 4. pro Bodionticis, quos ibi habet, Blodiuntios vel Bledontios legi vult Gassendus, refragante Hadr. Valesiô Notit. Galliae, in voce Dinia.